28.01.2026 ж. №62 гимназия-мектебінде 8–9 сынып оқушыларымен «Жасөспірімдер арасындағы суицидалды мінез-құлықтың алдын алу» тақырыбында кездесу өтті.
Іс-шараға 150 оқушы қатысты.
Өткізу форматы — дәріс және психологиялық кеңес беру элементтері бар әңгіме.
Іс-шараны №8 қалалық емхананың мамандары өткізді: салауатты өмір салты дәрігері — Брекешева А.А., психолог — Болтекова А.М.
Психолог тарапынан эмоционалдық қолдауды қалыптастыруға және өзін-өзі реттеу дағдыларын дамытуға бағытталған «Сен жалғыз емессің» тренингі өткізілді.
СӨС дәрігері оқушылардың психоэмоциялық жағдайын және қауіп факторларын анықтау мақсатында анонимді сауалнама ұйымдастырды.
Іс-шара белсенді әрі сенімді атмосферада өтті. Оқушылар тақырыпқа қызығушылық танытып, талқылауға белсене қатысты. Жүргізілген жұмыс жасөспірімдердің психикалық денсаулық мәселелері мен қауіп-қатерлі мінез-құлықтың алдын алу бойынша хабардарлығын арттыруға ықпал етті.
