Өткізу күні: 2025 жылғы 15 мамыр
Отбасы күніне арналған ақпараттық-ағартушылық кампания аясында 2025 жылғы 15 мамырда әйелдер консультациясы бөлімінде Ашық есік күні ұйымдастырылды. Кампанияның төртінші — соңғыдан бір күн бұрынғы күні — жастардың репродуктивті денсаулығы мен ЖЖБИ-дың (жыныстық жолмен берілетін инфекциялар) алдын алуға арналды.
Іс-шараның басты мақсаты – жастардың репродуктивті денсаулықты сақтау, ЖЖБИ-дың алдын алу туралы ақпараттылығын арттыру және өз денсаулығына жауапкершілікпен қарау мәдениетін қалыптастыру.
Ашық есік күні аясында келесі шаралар өткізілді:
- Гинеколог-дәрігерлер мен медициналық психологтардың жеке және топтық кеңестері;
- Жоспарлы отбасын құру, қауіпсіз жыныстық қатынас, ЖЖБИ-дың алдын алу тақырыптарында жастарға арналған дәрістер мен әңгімелер;
- Ақпараттық материалдарды тарату (брошюралар, парақшалар, жадынамалар);
- Анонимді сауалнама жүргізіліп, нәтижелері бойынша мамандармен ашық пікір алмасу өтті.
Қатысушылар кәсіби ақпарат пен кеңес алу мүмкіндігіне ие болғандары үшін алғыстарын білдірді. Ашық есік күні жастарды ағартуда және репродуктивті денсаулыққа мән беруді насихаттауда маңызды қадам болды.
