Қазахстанда 5 маусымда Конституцияға өзгерістер мен толықтырулар енгізуге қатысты бүкілхалықаралық референдум өтетіні баршамызға мәлім. Осыған орай түсіндіру және қолдау білдіру
мақсатында Алматы қаласы қоғамдық денсаулық сақтау басқармасының ШЖҚ №8 қалалық емханада жиын өтті.
Іс-шараға медицина қызметкерлері қатысты. Мемлекет басшысының бастамасымен жүзеге асып жатқан Ата Заңға енетін өзгерістер жалпы халықтың қатысуымен өткелі тұр. Осыған орай медицина қызметкерлері арасында да қызу талқыланып, қолдау күшейді.
Жалпы-дәрігерлер бөлімінің меңгерушісі Жұмаәсіл Айгерім – Президент Қасым-Жомарт Кемелұлының жалпыхалықтық референдум өткізу туралы бастамасына қолдау білдіруіміз керек. Мұндай үлкен шара еліміздегі маңызы бар айтарлықтай оқиға. Сол себепті, баршамыз бірауыздан осы референдумның өтуіне үлес қосып, ойымызды білдіруіміз қажет. Референдум ең алдымен халық үшін маңызды. Өйткені, референдум арқылы енгізілетін өзгерістер мен толықтырулар шын мәнінде халықтың билігін нығайта түседі. Сонымен бірге, халық өзі өкілеттік беретін Парламенттегі Мәжіліс пен Сенаттағы айырмашылықты ажырата алады. Бұл – «еститін мемлекет» сабақтастығымен дәйектілігін көрсетеді- деп өз ойын білдірді.
