Әлеуметтік әділдік және ынтымақтастық – міндетті әлеуметтік медициналық сақтандырудың (МӘМС) негізгі қағидасы. Әрбір азаматтың денсаулығы үшін жауапкершілік енді адамға, жұмыс берушіге және мемлекетке жүктелген. Қаражат медициналық сақтандыру принциптеріне сәйкес, ортақ жауапкершілік негізінде төленетін болады. МӘМС әлеуметтік әділдік принципіне қарамастан табыстық шегерімдер мөлшерін сапалы денсаулық сақтау үшін барлық сақтандырылған тұлғаларға тең мүмкіндіктерді қамтамасыз етеді. Әр адам ем қабылдайтын медициналық ұйымды өзі таңдайды. Медициналық қызметтің сапасын күн сайын бақылауды Қор жүзеге асырып отырады. Қазіргі уақытта «Міндетті әлеуметтік медициналық сақтандыру» жүйесін халыққа түсіндіру бойынша ақпараттық-түсіндірме жұмыстары қарқынды жүргізілуде.
06.08.2019 ж. Алматы қаласы №8 Қалалық емхананың Алдын-алу және әлеуметтік психологиялық көмек бөлімінің қызметкерлері емханаға келушілерге МӘМС туралы кезекті ақпараттық түсіндірме жұмысын жүргізді.
Жұмыс барысында ақпараттық-біліми материалдар таратылды.
