Міндетті медициналық сақтандыру 2017 жылы Қазақстанда басты енгізулердің бірі болды. Медициналық сақтандыру көптеген жылдар бойы санатта ерікті түрде жүзеге асырылған болса, Қазақстанда міндетті медициналық сақтандыруды енгізу өзімен бірге орасан зор өзгерістер алып келді. Міндетті медициналық сақтандыру жүйесі Қазақстанға заманмен қатар жүруге, сондай-ақ сақтандыру нарығын одан әрі дамытуды ынталандыруға көмектеседі.
Өйткені әлемнің дамыған мемлекеттерінде медициналық сақтандыру қолданылатыны және өмірдің негізгі бөлігі болып табылатыны белгілі. Міндетті әлеуметтік медициналық сақтандыру жүйесі (МӘМС) – денсаулық сақтау мүддесін әлеуметтік қорғаудағы мемлекеттік жүйе болып табылады.
Қазіргі таңда «Міндетті әлеуметтік медициналық сақтандыру» жүйесін түсіндіру бойынша ақпараттық-түсіндірме жұмыстары белсенді жүргізілуде. Осыған орай, 19.07.2019 ж. Алматы қаласы «№8 Қалалық емхана» Алдын-алу және әлеуметтік психологиялық көмек бөлімінің қызметкерлері «Тастақ» базарында тұрғындарға МӘМС туралы ақпараттық түсіндірме жұмысын жүргізді.
Басты мақсат – МӘМС жүйесінің мүмкіндіктерін халық арасына тарату, қалай іске асатыны туралы түсінікті қалыптастыру. Жұмыс барысында ақпараттық-біліми материалдар таратылды.
