Коронавирустық инфекция (COVID-19) — SARS CoV-2 коронавирус түрінен жаңа вирустар штаммынан туындайтын жіті инфекциялық ауру, COVID-19 аэрозольды-тамшы және контактілі-тұрмыстық жолмен беріледі.
Короновирустық инфекция:
- ешқандай белгілерсіз (симптомдардың болмауы);
- жеңіл респираторлық симптомдардың байқалуымен;
- кейіннен улану, қантамырларының, өкпенің, жүректің, бүйректің, АІЖ зақымдануымен, асқынулардың даму қаупімен ауыр түрде өтуі мүмкін.
Емханада короновируспен (COVID-19) күресу үшін мобильдік топ құрылған. Егер Сізде суық тию ауруларының белгілері: дене қызуының көтерілуі, жөтел, мұрынның бітуі, тамақтың ауруы, иіс сезі қабілетінің нашарлауы немесе жоғалту пайда болса, онда 8 (701) 690 7678; 8 (707) 578 5472; 8 (727) 2429933; 8(727) 2429930 телефондары бойынша хабарласыңыз.
COVID-19 СИМПТОМСЫЗ ӨТКЕН ЖАҒДАЙДА НЕ ІСТЕУ КЕРЕК?
Аурудың симптомсыз өтуі SARSCoV-2 РНҚ ПТР-ға талдау жасаған кезде анықталады. Ешқандай шағымдарсыз, клиникалық симптомдарсыз және өкпені тексергенде патологиялық өзгерістерсіз өтеді.
Қазақстан Республикасында КВИ бар пациенттерді диагностикалау мен емдеудің бекітілген клиникалық хаттамасына сәйкес COVID-19 симптомсыз белгілерімен адамдарға арнайы ем жүргізілмейді.
Аурудың симптомсыз ағымына тап болған жағдайда не істеу керек?
- Үй жағдайында медициналық бақылауда болу қажет
- Өз учаскелік дәрігерінмен байланыста болу керек
- Учаскелік дәрігердің барлық нұсқаулықтары мен талаптарын орындау қажет
- Жалпы жағдайдың өзгерістері туралы дерек учаскелік дәрігерге хабарлау керек (дене қызуы, жөтел, тыныс алудың қиындауы және т.б.)
- мобильдік топ күнделікті өткізетін бейнеконсультацияға қатысу керек
- үйде қалып, айналадағылармен контактіде болуды шектеу қажет
- үйден ШЫҚПАУ керек
- Сақтық шаралар мен жеке гигиена қағидаларын сақтау керек
Оқшауланудың 10 күніне қарай ПТР-ға қайта тестілеу жүргізілетін болады, нәтижесі теріс болған жағдайда медициналық бақылау алынып тасталады.
Өзіңді және жақындарынды жұқтыру қаупінен қорғау үшін, келесі кеңестерді сақтау керек:
- Жеке гигиена қағидаларын сақтау, оның ішінде қолды сабынмен жиі және мұқият жуу;
- Жеке қорғаныс құралдарын пайдалану: қолға арналған спирттік антисептиктер, маска, қолғап және т.б.;
- Адамдар көп жиналатын жерлерге бармау;
- Жануарлармен, оның ішінде құстармен контактіде болудан аулақ жүру, шикі және дұрыс піспеген етті тұтынбау;
- Өзін нашар сезініп тұрған немесе ауру симптомдары байқалатын адамдармен контактіде болудан аулақ жүру;
- Бөлмені желдетіп тұру;
- Жөтеліп, түшкіргенде ауыз бен мұрынды орамалмен жабу (ластанған орамалды бірден тастаңыз);
- Әлеуметтік арақашықтықты сақтау. Адамдардан кем дегенде екі метр алшақтықта жүріңіз.