Міндетті әлеуметтік медицина сақтандыру жүйесіндегі негізгі қағидаларды түсіндіру науқаны

Міндетті әлеуметтік медициналық сақтандыру жүйесі (МӘМС) – денсаулық сақтау мүддесін әлеуметтік қорғаудағы мемлекеттік жүйе болып табылады. МӘМС Қазақстанның барлық сақтандырылған азаматтарына жынысына, жасына, әлеуметтік жағдайына, тұрғылықты жерiне және табысына қарамастан медициналық және дәрілік көмекке тең қолжетімділік жасауға кепілдік береді.

Міндетті әлеуметтік медициналық сақтандыру (МӘМС) – ауру, жарақат алу, туу және жүктілік, мүгедектік және кәрілік жағдайларында халықтың денсаулығының мүддесін әлеуметтік тұрғыда қорғау нысаны. Көптеген дамыған елдер мұқтаждығы артық, тұрмысы төмен адамдарға ресурстарды қайта бөлуге мүмкіндік беретін МӘМС жүйесін таңдаған. Халыққа МӘМС туралы акпарат беру мақсатында «№8 Қалалық емхана» аумағына қарасты сауда орталықтарында қала тұрғындары және қонақтарына МӘМС жөнінде ақпараттық-түсіндірме науқаны жүргізілді. Науқан барысында халықтың қызығушылық танытқан барлық сұрақтарына қанағаттанарлық жауаптар берілді.