Алматы қаласы №8 Қалалық емхана педиатрия бөлімшесінде С.Ж.Асфендияров атындағы ҚазҰМУ қызметкерлерінің қатысуымен Ашық есік күні өтті.
Бүгін балалар бөлімшесінде мерекелік көңіл-күй! Фойеде балаларды медицина қызметкерлері қарсы алды, түрлі-түсті шарлар, бояғыштар таратып, мерекемен құттықтады. Емханаға тіркелген мүмкіндігі шектеулі балаларға сыйлықтар табыс етілді. Сонымен қатар “Әлем менің көздеріммен” және “Мен және менің жанұям” атты асфальтқа сурет салу байқауы өтті.
“Жаздың алғашқы күні біз Халықаралық балаларды қорғау күнін атап өтеміз. Біз балаларға жақсы көңіл-күй сыйлауға тырыстық”,- деді бас дәрігердің балалар бойынша орынбасары Ұлбосын Малгараева.
